Plantun de Prouvènço

Pèr coumpara dos planto d'encò nostre

Cotinus coggygria & Saxifraga tridactylites

Pevoulié

Cotinus coggygria

Anacardiaceae

Àutri noum : Bos jaune, Baiso-ma-mìo, Fustet, Parouvié, Sumac.

Noms en français : Arbre à perruques, Fustet.

Descripcioun :
Lou pevoulié es un aubret eisa de recounèisse emé soun enflourejado plumouso e si fueio óuvalo e verdalo. Trachis sus li pendis roucaious e lis esboudèu de colo e basso mountagno.

Usanço :
La rusco de pevoulié servié à rusca lou cuer coume aquelo dóu fàuvi, Rhus coriaria, e li fueio pèr tencha en jaune la lano. O. Madon raporto que servié peréu pèr sougna li lapin : "Lei lapin an uno malautié qu'apèlon lou gros ventre. Alor lei gènt ié dounavon de pevoulié pèr lou faire passa... l'escorço, pas li fueio... uno brancho. Falié vèire, levavon touto la pèu, lou rasclavon, pèr manja l'escorço" (op.cit. p. 57).

Port : Aubret
Taio : Pancaro entresigna
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Cotinus
Famiho : Anacardiaceae

Coulour de la flour : Jauno
Petalo : 5
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Basso mountagno - Roucaio - Esboudèu - Colo
Estànci : Mesoumediterran à Coulinen
Couroulougi : Pancaro entresigna
Ref. sc. : Cotinus coggygria Scop., 1771

Trauco-peirau

Saxifraga tridactylites

Saxifragaceae

Àutri noum : Trauco-peiròu, Sassifrago, Sassifrajo.

Noms en français : Perce-pierre, Saxifrage à trois doigts.

Descripcioun :
Pichoto planto de rèn de tout, glandulouso, emé de cambo rouginasso e de flour blanco. D'ùni fueio an tres lobo ço qu'ajudo à la recounèisse (fotò). Vèn bèn dins li relarg roucassous emai i'aguèsse pas gaire de terro (trauco-peirau).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : Pancaro entresigna
Fueio : basalo
Tipe bioulougico :
Cicle bioulougico : Planto de l'an

Gènre : Saxifraga
Famiho : Saxifragaceae

Ordre : Saxifragales

Coulour de la flour : Blanco
Petalo : 5
Ø (o loungour) flour : Pancaro entresigna
Flourido : Printems - Estiéu

Sòu : Ca
Autour basso e auto : 0 à 1700 m
Aparado : Noun

Liò : Roucaio - Paret - Basso mountagno - Colo
Estànci : Termoumediterran à Mountagnard
Couroulougi : Pancaro entresigna
Ref. sc. : Saxifraga tridactylites L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

CCC

Cotinus coggygria & Saxifraga tridactylites

Coumpara Pevoulié emé uno autro planto

Coumpara Trauco-peirau emé uno autro planto